கத்தாரில் இஸ்ரேலிய தாக்குதலைத் தொடர்ந்து, ஹமாஸின் முக்கிய தலைவர்கள் தலைமறைவாகிவிட்டதாகத் தகவல்கள் தெரிவிக்கின்றன. இவ்வாறு தலைமறைவானவர்களில் அல் கலில் அல்-ஹய்யா, ஒசாமா ஹம்தான் மற்றும் இசாத் அல்-ரிஷ்க் ஆகியோர் அடங்குவர். இந்த மூவரும்தான் காசா ஒப்பந்தப் பேச்சுவார்த்தைகளுக்கு பொறுப்பாக இருந்தனர். இவர்களின் திடீர் மறைவு, பணயக்கைதிகள் ஒப்பந்தம் குறித்த நிச்சயமற்ற தன்மையை உருவாக்கியுள்ளது. அமெரிக்க ஊடகமான ஆக்சியோஸ் குறிப்பிட்டுள்ளபடி, அமெரிக்கா இந்த ஹமாஸ் தலைவர்களுடன் தொடர்புகொள்ள முடியவில்லை.

இந்தத் தலைவர்களின் இருப்பிடம் இன்னும் அறியப்படவில்லை. இஸ்ரேலிய பிரதமர் பெஞ்சமின் நெதன்யாகு, அவர்களைக் கண்டுபிடித்து அழிப்பதாகக் கூறியுள்ளார். மத்திய கிழக்கில் துருக்கி மற்றும் கத்தார் போன்ற நாடுகளில் ஹமாஸுக்குத் தளங்கள் உள்ளன, குறிப்பாக கத்தாரில் அதன் அரசியல் அலுவலகம் உள்ளது. நேட்டோ உறுப்பு நாடான துருக்கி மீது இஸ்ரேல் தாக்குவது கடினம் என்பதால், தலைவர்கள் துருக்கிக்குத் தப்பிச் சென்றிருக்கலாம் என யூகங்கள் நிலவுகின்றன.