செய்தி பிரிவு : உங்கள் குழந்தையை அடிக்கடி கண்டிப்பது அல்லது திட்டுவது அவர்களின் பிஞ்சு மனதை பாதிக்கிறதா? எப்போதும் குறைகளைச் சுட்டிக்காட்டிக்கொண்டே இருந்தால், குழந்தைகள் பயந்தவர்களாகவோ அல்லது அடங்காதவர்களாகவோ மாற வாய்ப்புள்ளது. பெற்றோரின் இத்தகைய போக்கு குழந்தையின் தன்னம்பிக்கையைச் சிதைத்து, அவர்களின் எதிர்கால ஆளுமையையே கேள்விக்குறியாக்கிவிடும் என்பதை மறக்க வேண்டாம்.

குழந்தையிடம் நேரடியாகப் பேசி அவர்களின் தவறுக்கான காரணத்தைக் பொறுமையாகக் கேட்டறியுங்கள். உங்கள் வாழ்க்கையில் நடந்த சிறு தவறுகளைப் பகிர்ந்து கொள்வதன் மூலம் அவர்கள் உங்கள் மீது நம்பிக்கை கொள்வார்கள். குழந்தையைக் குற்றம் சொல்லாமல், நட்பான அணுகுமுறையின் மூலம் தவறைத் திருத்திக் கொள்ள வாய்ப்பளியுங்கள். சரியான வழிகாட்டுதலும் நேர்மறையான அணுகுமுறையுமே உங்கள் குழந்தையைத் தன்னம்பிக்கை கொண்டவராக வளர்க்க உதவும்.