குளிர் காலத்தில் கூட்ட நெரிசலில் இருந்து விலகி அமைதியான சூழலை விரும்பும் பயணிகளுக்கு காலிம்போங் அருகே உள்ள பாலுக்கோப் ஒரு சிறந்த தேர்வாகும். காலிம்போங் நகரத்திலிருந்து வெறும் 10 நிமிட நடைப்பயணத்தில் அமைந்துள்ள இந்த கிராமம், இயற்கை எழில் கொஞ்சும் காட்சிகளுக்கு பெயர் பெற்றது. இங்கிருந்து பச்சை பசேல் என்ற மலைகளுக்கு நடுவே ஓடும் தீஸ்தா நதியையும், வானுயர்ந்த கஞ்சன்ஜங்கா மலைச்சிகரத்தையும் ஒரே நேரத்தில் ரசிக்க முடியும். இதுதவிர, அருகில் உள்ள டெல்லோ பூங்கா மற்றும் துர்பின் மடாலயம் போன்ற இடங்களையும் இங்கிருந்து எளிதாக சுற்றிப் பார்க்கலாம்.

நியூ ஜல்பைகுரி ரயில் நிலையத்திலிருந்து 70 கி.மீ தொலைவில் உள்ள இந்த கிராமத்தை இரண்டரை மணி நேர பயணத்தில் அடையலாம். காலிம்போங் வரை ஷேர் டாக்ஸியில் வந்து அங்கிருந்து எளிதாக பாலுக்கோப் செல்ல முடியும். இங்கு தங்குவதற்கு சிறந்த ஹோம்ஸ்டே வசதிகள் உள்ளன. குடும்பத்துடன் செல்பவர்கள் முன்கூட்டியே முன்பதிவு செய்து கொள்வது நல்லது. அதிகாலையில் கஞ்சன்ஜங்காவின் பனிச்சிகரங்களையும், இரவில் காலிம்போங் நகரத்தின் ஒளிவெள்ளத்தையும் ரசிக்க விரும்பும் பயணிகளுக்கு இந்த இடம் ஒரு வரப்பிரசாதமாகும்.