ஓமானின் சோஹார் தொழில்பேட்டை பகுதியில் நடத்தப்பட்ட திடீர் ட்ரோன் தாக்குதலில் இந்தியர்கள் இருவர் உயிரிழந்தனர். இந்தத் தாக்குதலில் மேலும் பத்து இந்தியர்கள் காயமடைந்துள்ள நிலையில், அவர்களில் ஐந்து பேரின் நிலைமை மிகவும் கவலைக்கிடமாக உள்ளதாக இந்திய வெளியுறவு அமைச்சகம் தெரிவித்துள்ளது. பாதிக்கப்பட்டவர்களுக்குத் தேவையான அனைத்து உதவிகளையும் மத்திய அரசு உறுதி செய்துள்ளது.

இந்தத் தாக்குதல் சம்பவத்தைத் தொடர்ந்து மத்திய கிழக்கு நாடுகளில் பெரும் பதற்றம் நிலவுகிறது. இந்தத் தாக்குதலுக்கு ஈரானே காரணம் என அமெரிக்க பாதுகாப்புத் துறை குற்றம்சாட்டியுள்ளது. நிலைமையைக் கூர்ந்து கவனித்து வரும் பெண்டகன், தேவையெனில் தகுந்த நடவடிக்கை எடுக்கப்படும் என எச்சரிக்கை விடுத்துள்ளது.