ஐபிஎல் 2026 தொடர் வரும் மார்ச் 28 ஆம் தேதி தொடங்க உள்ள நிலையில், பிளே ஆஃப் சுற்றுக்கு தகுதி பெறும் டாப் 4 அணிகள் குறித்த எதிர்பார்ப்பு ரசிகர்களிடையே அதிகரித்துள்ளது. ருதுராஜ் கெய்க்வாட் தலைமையிலான சென்னை சூப்பர் கிங்ஸ் மற்றும் ஹர்திக் பாண்டியாவின் மும்பை இந்தியன்ஸ் ஆகிய அணிகள் தங்களது வலுவான வீரர்கள் பட்டாளத்துடன் பிளே ஆஃப் வாய்ப்பில் முன்னிலையில் உள்ளன. குறிப்பாக தோனியின் வழிகாட்டுதலில் சிஎஸ்கே அணியின் பேட்டிங் மற்றும் பந்துவீச்சு சரிசம பலத்துடன் காணப்படுகிறது.

கடந்த சீசனில் சாம்பியன் பட்டம் வென்ற ரஜத் படிதாரின் ராயல் சேலஞ்சர்ஸ் பெங்களூரு மற்றும் இறுதிப்போட்டி வரை முன்னேறிய ஸ்ரேயாஸ் அய்யரின் பஞ்சாப் கிங்ஸ் ஆகிய அணிகளும் மீண்டும் முதல் நான்கு இடங்களை பிடிக்க அதிக வாய்ப்புள்ளது. விராட் கோலியின் சிறப்பான ஆட்டம் ஆர்சிபி அணிக்கு பலம் சேர்க்கும் நிலையில், சமபலத்துடன் உள்ள பஞ்சாப் அணி மீண்டும் ஆதிக்கத்தை செலுத்த காத்திருக்கிறது. இந்த நான்கு அணிகளும் மற்ற 6 அணிகளுக்கு கடும் சவாலாக விளங்கும் என்று கணிக்கப்படுகிறது.