இந்தியாவின் வான் எல்லை இனி முன்பை விட அதிக பாதுகாப்பாக மாறப்போகிறது. சுமார் 3 லட்சம் கோடி ரூபாய் மதிப்பீட்டில் 114 புதிய ரஃபேல் போர் விமானங்களை வாங்குவதற்கு பாதுகாப்பு அமைச்சகம் பச்சைக்கொடி காட்டியுள்ளது. இந்திய ராணுவ வரலாற்றிலேயே மிக முக்கியமான இந்த ஒப்பந்தம், நாட்டின் பாதுகாப்பு வலிமையை பன்மடங்கு உயர்த்தும்.

பிரான்ஸ் நாட்டு தொழில்நுட்பத்தில் உருவாகும் இந்த விமானங்கள், வான்வெளி மட்டுமின்றி கடல்சார் கண்காணிப்பிலும் சிறந்து விளங்கும். முதற்கட்டமாக 18 விமானங்கள் நேரடியாக பிரான்ஸிலிருந்து வரும் நிலையில், மீதமுள்ள விமானங்கள் படிப்படியாக இந்தியத் தொழில்நுட்பங்களுடன் உள்நாட்டிலேயே மேம்படுத்தப்படும். எல்லையில் நிலவும் பதற்றமான சூழலில், எதிரி நாடுகளின் அச்சுறுத்தலை முறியடிக்க இந்த வலிமைமிக்க ரஃபேல் படை இந்தியாவின் இறையாண்மையைக் காக்கும் அரணாகத் திகழும்.