திருவாரூர் நன்னிலம் அருகே உள்ள ஸ்ரீவாஞ்சியம் திருத்தலத்தில் உயிரைப் பறிக்கும் தொழிலால் ஏற்பட்ட பாவங்கள் நீங்க எமதர்மன் சிவனை நோக்கித் தவமிருந்தார். ஈசன் அவருக்குக் காட்சியளித்து இனி மரணம் என்பது நோய் அல்லது முதுமையால் நிகழும் எனக்கூறி எமனின் பழிச்சொல்லை நீக்கி அருள்பாலித்தார்.

இத்தலத்தில் எமதர்மன் யோக நிலையில் அமர்ந்துள்ளதால் அவரை முதலில் தரிசித்த பின்னரே வாஞ்சிநாதசுவாமியை வழிபட வேண்டும் என்பது ஐதீகம். இங்கு எமனையும் சித்ரகுப்தனையும் ஒரே சன்னதியில் தரிசிப்பது தீராத நோய்களையும் மனக்கவலைகளையும் நீக்கி பக்தர்களுக்கு மறுபிறப்பற்ற முக்தி நிலையை வழங்குகிறது.