ஒரு காலத்தில் ஆஸ்திரேலியா என்றால் வெற்றி என்று பொருள் இருந்தது ஆனால் இன்று டீம் இந்தியா என்ற பெயரே வெற்றியின் அடையாளமாக மாறியுள்ளதாக ஐசிசி தலைவர் ஜெய் ஷா பெருமிதம் தெரிவித்துள்ளார். தொடர்ந்து இரண்டு முறை டி20 உலகக் கோப்பையை வென்றது மற்றும் பல்வேறு ஐசிசி தொடர்களில் படைத்த சாதனைகள் இந்திய கிரிக்கெட்டின் இந்த அசைக்க முடியாத ஆதிக்கத்தை உலக அரங்கில் உறுதிப்படுத்தியுள்ளன.

மேலும் 2028 ஒலிம்பிக் போட்டிகளை இலக்காகக் கொண்டு பிசிசிஐ திட்டமிட்டதைச் சுட்டிக்காட்டிய அவர் இனி வரும் காலங்களில் 2030 மற்றும் 2032 ஒலிம்பிக் போட்டிகளுக்குத் தயாராக வேண்டும் என அறிவுறுத்தினார். உச்ச நிலையை அடைவதை விட அதைத் தக்கவைப்பதே கடினம் என்பதால் வீரர்கள் அதே அர்ப்பணிப்புடன் தொடர்ந்து கடுமையாக உழைக்க வேண்டும் என்றும் அவர் கேட்டுக்கொண்டார்.