உலகக்கோப்பையில் விளையாடாதது போன்ற ஒரு மிகப்பெரிய முடிவை எடுத்த பிறகும், வங்கதேச கிரிக்கெட் வாரியம் (BCB) ஏன் எவ்வித தண்டனையையும் எதிர்கொள்ளவில்லை? மாறாக, வருங்காலத்தில் முக்கிய தொடர்களை நடத்தும் வாய்ப்பு அவர்களுக்கு உறுதியளிக்கப்பட்டுள்ளது. ஐசிசி (ICC) ஏன் வங்கதேசத்தின் மீது இவ்வளவு மென்மையாக நடந்து கொள்கிறது என்ற கேள்வி கிரிக்கெட் ரசிகர்களிடையே எழுந்துள்ளது.

உண்மையில் இது வெறும் விளையாட்டு சார்ந்த முடிவு மட்டுமல்ல; இதற்குப் பின்னால் பல கோடி ரசிகர்களின் உணர்வுகளும், மிகப்பெரிய கிரிக்கெட் சந்தையும் ஒளிந்துள்ளது. வங்கதேசம் அல்லது பாகிஸ்தான் போன்ற பெரிய கிரிக்கெட் சந்தைகளை பகைத்துக்கொண்டால், அது ஐசிசி-யின் வருவாயையே பாதிக்கும் என்பதை சர்வதேச கிரிக்கெட் கவுன்சில் நன்கு அறியும்.

வங்கதேசத்திற்கு கடும் தண்டனை வழங்கப்பட்டிருந்தால், அந்நாட்டின் உள்நாட்டு கிரிக்கெட் மற்றும் வீரர்களின் எதிர்காலம் கேள்விக்குறியாகியிருக்கும். இந்தியா-பாகிஸ்தான் போட்டிகளைப் போன்றே, தெற்காசிய கிரிக்கெட் சந்தையின் வணிக ரீதியான முக்கியத்துவத்தைக் கருத்தில் கொண்டு, கிரிக்கெட் அரசியலை அமைதிப்படுத்தவே இந்த ‘சமரசம்’ மேற்கொள்ளப்பட்டுள்ளது. இதனால் தண்டனைக்கு பதிலாக, பேச்சுவார்த்தை மூலம் சுமுக தீர்வை ஐசிசி தேர்ந்தெடுத்துள்ளது.