வங்கிகளில் தேங்கிக் கிடக்கும் 1 லட்சம் கோடி ரூபாய் உரிமை கோரப்படாத வைப்புத்தொகையை மீட்பது குறித்து மத்திய அரசு மற்றும் ரிசர்வ் வங்கி புதிய விளக்கமளிக்க உச்ச நீதிமன்றம் உத்தரவிட்டுள்ளது. வாரிசுதாரர்கள் தங்கள் முன்னோர்களின் பணத்தை எளிதாகக் கண்டறிய ஒருங்கிணைந்த தரவுத்தளத்தை உருவாக்கக் கோரிய மனுவை நீதிபதிகள் விசாரணைக்கு ஏற்றனர்.

விசாரணையின் போது ‘ஹவுஸ்புல் 4’ திரைப்படத்தைக் குறிப்பிட்டுப் பேசிய நீதிபதிகள், முறையான பாதுகாப்பு இன்றி தகவல்களை வெளியிட்டால் ஆள்மாறாட்டங்கள் நடக்க வாய்ப்புள்ளதாக எச்சரித்தனர். தொழில்நுட்ப ரீதியாக எளிய தீர்வுகளை உருவாக்குவது குறித்து நான்கு வாரங்களுக்குள் விரிவான பதில் மனுத் தாக்கல் செய்யுமாறு ஒன்றிய அரசுக்கு நீதிமன்றம் அறிவுறுத்தியுள்ளது.