ஈரான் மீதான ஆதிக்கத்தை நிலைநாட்ட ஹர்முஸ் நீரிணைக்கு போர்க்கப்பல்களை அனுப்ப வேண்டும் என்ற அமெரிக்க அதிபர் டிரம்பின் கோரிக்கையை பிரான்ஸ் மற்றும் ஆஸ்திரேலியா உள்ளிட்ட முக்கிய நட்பு நாடுகள் திட்டவட்டமாக நிராகரித்துள்ளன. பிரிட்டன் மற்றும் ஜப்பான் போன்ற நாடுகள் சட்ட ரீதியான சிக்கல்களைக் கூறி தயக்கம் காட்டி வருகின்றன. இதனால் ஈரான் விவகாரத்தில் சர்வதேச நாடுகளை ஒன்றிணைக்கும் டிரம்பின் திட்டம் தோல்வியடைந்துள்ளதாகக் கருதப்படுகிறது.

கடந்த இரண்டு வாரங்களில் மட்டும் அமெரிக்கா சுமார் 1.52 லட்சம் கோடி ரூபாயை இந்த மோதலுக்காகச் செலவிட்டுள்ளது. கச்சா எண்ணெய் விலை உயர்வால் மற்ற நாடுகளின் அதிருப்திக்கு ஆளாகியுள்ள நிலையில், தேவையற்ற போரினால் பணவிரயம் ஏற்படுவதாக அமெரிக்க ஊடகங்களே டிரம்ப் நிர்வாகத்தைக் கடுமையாக விமர்சித்து வருகின்றன. இதனால் போரை விரைவாக முடிக்க வேண்டிய கட்டாயத்தில் அமெரிக்கா உள்ளது.