ஈரான் மீதான போரில் அமெரிக்கா மற்றும் இஸ்ரேல் மிகப்பெரிய வெற்றியைப் பெற்றுள்ளதாக அதிபர் டிரம்ப் அறிவித்துள்ளார். ஆக்சியோஸ் செய்தி நிறுவனத்திற்கு அளித்த பேட்டியில், போரின் தொடக்கத்திலேயே ஈரானின் விமானப்படை, ரேடார் மற்றும் வான்வழி பாதுகாப்பு அமைப்புகள் முடக்கப்பட்டதாக அவர் தெரிவித்தார். ஆபரேஷன் எபிக் பியூரி மற்றும் ஆபரேஷன் ரோரிங் லயன் மூலம் ஈரானின் ஏவுகணைகள் மற்றும் ட்ரோன்கள் பெருமளவில் அழிக்கப்பட்டுள்ளன.

கடந்த ஆண்டு ஈரானின் அணுசக்தி திட்டங்கள் முடக்கப்பட்ட நிலையில், தற்போது அந்தப் பணி முழுமையடைந்துள்ளதாக டிரம்ப் குறிப்பிட்டார். ஈரானின் உயர்மட்ட தலைவர் அயத்துல்லா அலி காமேனி கொல்லப்பட்டதைத் தொடர்ந்து அந்நாடு நிலைகுலைந்துள்ளது. இனி ஈரானில் அழிப்பதற்கு எதுவும் மிஞ்சவில்லை என்றும், எனவே எந்த நேரத்திலும் போர் நிறுத்தப்படலாம் என்றும் அவர் கூறினார்.