மத்திய கிழக்கில் பதற்றத்தை அதிகரிக்கும் வகையில் ஈரானின் உளவுத்துறை அமைச்சர் எஸ்மாயில் காதீப்பை வான்வழித் தாக்குதல் மூலம் கொன்றுவிட்டதாக இஸ்ரேல் பாதுகாப்பு அமைச்சர் இஸ்ரேல் காட்ஸ் தெரிவித்துள்ளார். கடந்த இரண்டு நாட்களில் அலி லாரிஜானி மற்றும் கோலம்ரெஸா சோலைமானி ஆகியோரைத் தொடர்ந்து நடத்தப்பட்ட மூன்றாவது பெரிய இலக்கு வைக்கப்பட்ட தாக்குதல் இதுவாகும் என்று இஸ்ரேலிய ராணுவம் கூறியுள்ளது.

இருப்பினும் காதீப்பின் மரணம் குறித்து ஈரான் தரப்பில் இதுவரை அதிகாரப்பூர்வ உறுதிப்படுத்தல் ஏதும் வரவில்லை. அமெரிக்காவின் தடையில் இருந்த ஷியா மதகுருவான காதீப் மீது நடத்தப்பட்ட இந்த தாக்குதலுக்கு துருக்கி கடும் கண்டனம் தெரிவித்துள்ளது. ஈரானின் உயர்மட்ட தலைவர்களை குறிவைக்கும் இந்த நடவடிக்கைகள் போர் விதிகளுக்கு புறம்பானது என்று துருக்கி வெளியுறவுத்துறை அமைச்சகம் விமர்சித்துள்ளது.