மேற்கு ஈராக்கில் அமெரிக்க விமானப்படையின் கேசி-135 டேங்கர் விமானம் விபத்துக்குள்ளானதில் நான்கு வீரர்கள் உயிரிழந்தனர். இந்த விமானத்தை தாங்கள் தான் சுட்டு வீழ்த்தியதாக ஈரான் ஆதரவு ஆயுதக்குழுக்கள் உரிமை கொண்டாடினாலும், அமெரிக்க மத்திய கட்டளை அமைப்பு இந்த கூற்றை திட்டவட்டமாக மறுத்துள்ளது. தொழில்நுட்பக் கோளாறு காரணமாகவே இந்த துரதிர்ஷ்டவசமான விபத்து நிகழ்ந்ததாக அமெரிக்கா உறுதிப்படத் தெரிவித்துள்ளது.

‘ஆபரேஷன் எபிக் பியூரி’ பணியில் ஈடுபட்டிருந்தபோது இந்த விபத்து நிகழ்ந்ததையடுத்து, உயர்மட்ட விசாரணைக்கு உத்தரவிடப்பட்டுள்ளது. சர்வதேச அளவில் பதற்றம் நிலவினாலும், இது ஒரு விபத்து மட்டுமே என்றும் இதில் வெளிச்சக்திகளின் தலையீடு ஏதுமில்லை என்றும் ராணுவ அதிகாரிகள் தெளிவுபடுத்தியுள்ளனர்.