மத்திய கிழக்கில் அதிகரித்து வரும் பதற்றங்களுக்கு மத்தியில், இஸ்ரேல் மற்றும் அமெரிக்காவின் செல்வாக்கை எதிர்கொள்ள முஸ்லிம் நாடுகள் ஒன்றிணைய வேண்டும் என்று ஈரான் அழைப்பு விடுத்துள்ளது. ஈரானிய ராணுவ செய்தித் தொடர்பாளர் பிரிகேடியர் ஜெனரல் அபுல்பாசல் ஷெகர்ச்சி, முஸ்லிம் உலகத் தலைவர்கள் ஈரானை நம்பி கூட்டு சக்தியாகச் செயல்படுமாறு வலியுறுத்தியுள்ளார். இஸ்லாமிய உலகைப் பலப்படுத்துவதே இந்த ஒற்றுமை அழைப்பின் நோக்கம் எனத் தெரிவிக்கப்பட்டுள்ளது.

சமீபத்திய மோதல்களில் எதிரிகளின் 112 ட்ரோன்களை அழித்ததாகவும், மேம்பட்ட ஏவுகணைகள் மூலம் அமெரிக்க மற்றும் இஸ்ரேலிய ராணுவ நிலைகள் மீது வெற்றிகரமான தாக்குதல்களை நடத்தியுள்ளதாகவும் ஈரான் கூறியுள்ளது. எதிரிகள் முழுமையான பதிலடியைச் சந்திக்கும் வரை இந்த ராணுவ நடவடிக்கைகள் தொடரும் என்று ஈரான் எச்சரித்துள்ளது. இதனால் மத்திய கிழக்கு பிராந்தியத்தில் போர் மேகம் மேலும் சூழ்ந்துள்ளது.