இத்தாலியின் ரோம் நகரில் 56 வயதுடைய நபர் ஒருவர், தனது இறந்த தாயாரின் ஓய்வூதியத்தை பல ஆண்டுகளாகப் பயன்படுத்தி மோசடி செய்துள்ளார். இதற்காக, அவர் தனது தாயைப் போலவே உடை, சிகை அலங்காரம், ஒப்பனை அணிந்து, அரசு அதிகாரிகள் மற்றும் அண்டை வீட்டாரிடம் தனது தாயார் போலவே நடித்துள்ளார். சுமார் மூன்று வருடங்களாக இந்த அடையாளத்தை மறைத்து, தாயின் ஓய்வூதியம் மற்றும் மூன்று சொத்துக்கள் மூலம் ஆண்டுக்கு சுமார் $61,000 (சுமார் ₹50 லட்சம்) வரை சம்பாதித்ததாகத் தெரியவந்துள்ளது.

இந்த மோசடி ஒரு அடையாள அட்டை புதுப்பித்தலின் போது வெளிச்சத்துக்கு வந்தது. அப்போது, ஒரு அரசு ஊழியர் பெண்ணின் “ஆண் போன்ற முகத்தோற்றம்,” தடிமனான கழுத்து மற்றும் ஆழமான குரல் ஆகியவற்றில் சந்தேகம் கொண்டார். இதைத் தொடர்ந்து, காவல்துறையினர் வீட்டில் சோதனை நடத்தியபோது, இயற்கையான காரணங்களால் இறந்த தாயாரின் சடலத்தை துணிகளை வைக்கும் அறையில் படுக்கைப்பைக்குள் ‘மம்மி’ போல் கண்டெடுத்தனர். இச்சம்பவம் இத்தாலியில் “திருமதி டவுட்ஃபயர் ஊழல்” என்று குறிப்பிடப்படுகிறது.