பங்குனி மாத திங்கட்கிழமையான இன்று சிவபெருமானுக்கு உகந்த மங்களகரமான பிரதோஷ தினமாகும். நமது பாவ வினைகளில் இருந்து விடுபடவும் வேண்டுதல்களை நிறைவேற்றிக் கொள்ளவும் இந்த பிரதோஷ காலம் மிகச்சிறந்த நேரமாகக் கருதப்படுகிறது. இறைவனை வழிபட அனைத்து நாட்களும் உகந்தவை என்றாலும் இந்த குறிப்பிட்ட நேரத்தில் மேற்கொள்ளும் வழிபாடு அளப்பரிய புண்ணியங்களைத் தரவல்லது என்று ஆன்மீக சாஸ்திரங்கள் கூறுகின்றன.

இன்று மாலை 4:30 மணி முதல் 6 மணி வரையிலான பிரதோஷ காலத்தில் சிவாலயங்களில் அமைதியாக அமர்ந்து குறிப்பிட்ட ஸ்லோகத்தை 108 முறை உச்சரிக்க வேண்டும். ‘ஓம் நம சிவாய’ மந்திரத்துடன் இந்த ஸ்லோகத்தைத் தொடர்ந்து சொல்லி வந்தால் பிரதோஷ மூர்த்தி இம்மையிலும் மறுமையிலும் நன்மைகளை வாரி வழங்குவார் என்பது பக்தர்களின் அசைக்க முடியாத நம்பிக்கையாகும். சிவாய நம சொல்லி அவன் தாள் பணிந்து அருளைப் பெறுவோம்.