இந்திய ஏவுகணைத் தாக்குதலில் ஜெய்ஷ்-இ-முகமது பயங்கரவாத அமைப்பின் தலைவர் மசூத் அசாரின் குடும்பம் அழிக்கப்பட்டதாக அந்த அமைப்பின் தளபதி மசூத் இலியாஸ் காஷ்மீரி ஒப்புதல் அளித்துள்ளார். வைரலான ஒரு வீடியோவில், இந்திய ராணுவத் தாக்குதலில் பகவல்பூரில் உள்ள மசூத் அசாரின் வீடு முழுவதுமாகத் தகர்க்கப்பட்டதாக அவர் கூறினார். இருப்பினும், இந்த வீடியோவின் உண்மைத்தன்மை சரிபார்க்கப்படவில்லை.

முன்னதாக, ‘ஆபரேஷன் சிந்தூர்’ மூலம் பாகிஸ்தானுக்குள் இந்திய ராணுவம் பயங்கரவாத முகாம்கள் மீது தாக்குதல் நடத்தியதாகத் தகவல்கள் வெளியாகின. அந்தத் தாக்குதலில் மசூத் அசாரின் குடும்பத்தைச் சேர்ந்த 14 பேர் கொல்லப்பட்டதாகவும் கூறப்பட்டது. தற்போது, ஜெய்ஷ் தளபதியின் இந்த ஒப்புதல் முந்தைய தகவல்களை உறுதிப்படுத்துவதாக அமைந்துள்ளது. அந்த வீடியோவில், ஆயுதம் தாங்கிய காவலர்களின் மத்தியில் நிற்கும் காஷ்மீரி, இந்திய ராணுவத்தின் தாக்குதலின் தீவிரத்தை விவரிக்கிறார்.