உடலில் வைட்டமின் கே குறைபாடு ஏற்பட்டால் ரத்தம் உறைதல் பாதிப்படைந்து மூக்கு அல்லது ஈறுகளில் ரத்தக்கசிவு ஏற்படும் அபாயம் உள்ளது. இந்த வைட்டமின் எலும்புகளை வலுப்படுத்துவதோடு ரத்த நாளங்களில் கால்சியம் படிவதைத் தடுத்து இதயப் பாதிப்புகள் ஏற்படாமல் பாதுகாக்கிறது.

எலும்புப்புரை மற்றும் இதய நோய்களைத் தவிர்க்க இந்த ஊட்டச்சத்து மிக அவசியமாகும். குறிப்பாகப் பிறந்த குழந்தைகளுக்கு ஏற்படும் உள் ரத்தக்கசிவைத் தடுக்க மருத்துவர்கள் உடனடியாக வைட்டமின் கே ஊசி போடப் பரிந்துரைக்கின்றனர். ஆரோக்கியமான இதயம் மற்றும் வலுவான எலும்பமைப்பிற்கு உடலில் இந்த வைட்டமின் சரியான அளவில் இருப்பது அவசியமாகும்.