அழகான கூந்தல் ஒருவரின் தோற்றத்தையே மாற்றும் வல்லமை கொண்டது. இன்றைய காலத்தில் முடி கொட்டுதல் மற்றும் முடி மெலிதல் போன்ற பிரச்சனைகளால் பலரும் அவதிப்படுகிறார்கள். இதற்குச் சிறந்த இயற்கை தீர்வாக சில வகை விதைகள் (Seeds) அமைகின்றன. இவை உடலை ஆரோக்கியமாக வைப்பதோடு, கூந்தல் வளர்ச்சியையும் தூண்டுகின்றன.

ஆளி விதைகள், சியா விதைகள் மற்றும் பூசணி விதைகளில் ஒமேகா-3 ஃபேட்டி ஆசிட்கள், புரோட்டீன், வைட்டமின்கள் மற்றும் தாதுக்கள் நிறைந்துள்ளன. இவை வேர்க்கால்களுக்கு ஊட்டம் அளித்து, தலைப்பகுதியை ஆரோக்கியமாக வைத்திருப்பதுடன், ரத்த ஓட்டத்தை அதிகரித்து முடியை நீளமாகவும் அடர்த்தியாகவும் வளரச் செய்கின்றன.

1. பூசணி விதைகள் (Pumpkin Seeds)

இதில் துத்தநாகம் (Zinc), மெக்னீசியம், இரும்புச்சத்து மற்றும் புரதம் அதிக அளவில் உள்ளன. இவை முடி வளர்ச்சிக்கு மிகவும் அவசியம். இவற்றை அப்படியே வறுத்து சாப்பிடலாம் அல்லது சூப் மற்றும் சாலட்களில் சேர்த்துக்கொள்ளலாம்.

2. ஆளி விதைகள் (Flax Seeds)

ஒமேகா-3 ஃபேட்டி ஆசிட்கள் அதிகம் உள்ள ஆளி விதைகள், முடியின் வேர்க்கால்களை வலுப்படுத்துகின்றன. இதிலுள்ள ஆன்டி-ஆக்ஸிடன்ட்கள் முடி வளர்ச்சியைத் தூண்டும். இவற்றை ஸ்மூதி அல்லது சாலட்களில் சேர்த்து உட்கொள்வது நல்லது.

3. சியா விதைகள் (Chia Seeds)

எடை குறைப்பிற்கு உதவும் சியா விதைகளில் ஒமேகா-3 மற்றும் ஆன்டி-ஆக்ஸிடன்ட்கள் நிறைந்துள்ளன. இவை முடியின் வேர்களை உறுதியாக்குகின்றன. இவற்றைத் தண்ணீரில் ஊறவைத்தோ அல்லது தயிருடன் கலந்தோ சாப்பிடலாம்.

பிற உணவுகள்:

உங்கள் உணவில் புரதச்சத்து நிறைந்த கொண்டைக்கடலை, சோயாபீன்ஸ், பருப்பு வகைகள் மற்றும் தயிர் ஆகியவற்றைச் சேர்த்துக் கொள்ளுங்கள். புரதக் குறைபாடு முடியை மெலிதாக்கும். மேலும், பயோட்டின் மற்றும் வைட்டமின் பி நிறைந்த சர்க்கரைவள்ளிக் கிழங்கு, அவகேடோ மற்றும் உலர்ந்த பழங்களைச் சாப்பிடுவது முடி உதிர்வைக் குறைக்க உதவும்.