98-வது அகாடமி விருதுகள் வழங்கும் விழாவில் போர் எதிர்ப்புச் செய்தியை உலகிற்கு உரக்கச் சொல்லி கவனத்தை ஈர்த்துள்ளார் ஸ்பானிய நடிகர் ஜேவியர் பார்டெம். சிறந்த சர்வதேசத் திரைப்படத்திற்கான விருதை வழங்க வந்த அவர் பாலஸ்தீனத்தை விடுவிக்க வேண்டும் என்று நேரடியாகக் கோரிக்கை வைத்தார். அவரது உடையில் போர் வேண்டாம் மற்றும் பாலஸ்தீனத்தை விடுவிப்போம் என்ற வாசகங்கள் பொறிக்கப்பட்ட பதக்கங்கள் பளிச்சிட்டன.

பார்டெம் அமைதிக்காகப் பேசியபோது அவருக்கு அருகில் உலகப் புகழ்பெற்ற இந்திய நடிகை பிரியங்கா சோப்ரா இருந்தார். பார்டெமின் இந்தத் துணிச்சலான கருத்தை பிரியங்கா புன்னகையுடன் தலையசைத்து ஆதரித்தார். ஆஸ்கர் போன்ற உலகளாவிய மேடையில் போரினால் பாதிக்கப்பட்ட மக்களுக்காக இவ்விரு நட்சத்திரங்களும் காட்டிய இந்த மனிதாபிமான ஆதரவு தற்போது சமூக ஊடகங்களில் வைரலாகி வருகிறது.