சென்னை ஆவடி அருகே 37 வயது மதிக்கத்தக்க ராதிகா என்ற பெண் மர்மமான முறையில் உயிரிழந்த சம்பவம் அதிர்ச்சியை ஏற்படுத்தியுள்ளது. இது தொடர்பாக அவருடன் தங்கியிருந்த 25 வயது இளைஞர் மணியை போலீசார் கைது செய்துள்ளனர். கடந்த சில ஆண்டுகளாக நெருங்கிப் பழகி வந்த இவர்களுக்குள், நேற்று மது அருந்தியபோது ஏற்பட்ட வாக்குவாதம் முற்றியதில் இந்த விபரீதம் நிகழ்ந்ததாகக் கூறப்படுகிறது.

ராதிகா தூக்கிட்டு தற்கொலை செய்துகொண்டதாக மணி கூறினாலும், காவல்துறையினரின் முதற்கட்ட விசாரணையில் அவர் முன்னுக்குப் பின் முரணாகப் பேசியுள்ளார். இதனால் சந்தேகத்தின் அடிப்படையில் அவர் கைது செய்யப்பட்டுள்ளார். ராதிகாவின் மரணம் தற்கொலையா அல்லது கொலையா என்பது பிரேதப் பரிசோதனை அறிக்கை வந்த பிறகே உறுதி செய்யப்படும் என ஆவடி போலீசார் தெரிவித்துள்ளனர்.