சேமிப்பு மற்றும் நடப்புக் கணக்குகளுக்கான குறைந்தபட்ச இருப்புத் தொகை (Minimum Balance) தொடர்பான விதிகளில் இந்திய ரிசர்வ் வங்கி (RBI) குறிப்பிடத்தக்க திருத்தங்களை அறிவித்துள்ளது. இந்த புதிய மாற்றங்கள் உடனடியாக அமலுக்கு வந்துள்ளன. முன்னர் வங்கிகள் தங்களின் சொந்த வரம்புகளை நிர்ணயித்து வந்த நிலையில், இனி அனைத்து வணிக வங்கிகளும் ஒரே மாதிரியான குறைந்தபட்ச இருப்பு விதியைப் பின்பற்ற வேண்டும்.

திருத்தப்பட்ட வழிகாட்டுதல்களின்படி, சேமிப்புக் கணக்குகளுக்கு நகர்ப்புறங்களில் ₹3,000 மற்றும் கிராமப்புற/அரை நகர்ப்புறங்களில் ₹1,500 குறைந்தபட்ச இருப்புத் தொகையை பராமரிப்பது கட்டாயமாகும். மேலும், செயலற்ற, செயல்படாத மற்றும் பூஜ்ஜிய இருப்பு கணக்குகளை மூடும் நடவடிக்கையையும் RBI தொடங்கியுள்ளது. அத்துடன், இப்போது ஒரு கணக்கில் அதிகபட்சமாக நான்கு நாமினிகளை சேர்க்கும் வசதியும் கிடைக்கும்.