முன்னாள் அமெரிக்க அதிபர் டொனால்ட் டிரம்ப், ஆப்பிள் நிறுவனத்தின் செயல்பாடுகள் குறித்து புதிய அறிவிப்பை வெளியிட்டுள்ளார். இந்தியாவில் ஐபோன் உற்பத்தி ஆலைகளை அமைப்பதை எதிர்த்து வந்த அவர், தற்போது அதில் எந்தவித ஆட்சேபனையும் இல்லை என தெரிவித்துள்ளதால் ஆப்பிள் நிறுவனத்துக்கு ஒரு வகையில் நிம்மதி ஏற்பட்டுள்ளது. இந்தியாவில் உற்பத்தி செய்யும் முயற்சிக்கு அவர் ஒப்புதல் அளித்தாலும், மற்றொரு முக்கிய முடிவால் ஆப்பிள் நிறுவனத்திற்கு புதிய சிக்கல் உருவாகியுள்ளது.

அமெரிக்காவிற்குள் விற்பனை செய்யப்படும் ஆப்பிள் தயாரிப்புகள் மீது 25% வரி கட்டாயமாக விதிக்கப்படும் என டிரம்ப் திட்டவட்டமாக அறிவித்துள்ளார். இதனால், அமெரிக்க சந்தையில் ஆப்பிள் தயாரிப்புகளின் விலை உயர வாய்ப்பு ஏற்பட்டுள்ளது. இதேவேளை, அமெரிக்காவை உற்பத்தி மையமாக்க வேண்டும் என்பதே அவரது நோக்கமாக தெரிகிறது. வர்த்தக கொள்கையில் கடுமையான நிலைப்பாட்டை எடுத்துள்ள டிரம்பின் இந்த முடிவால், ஆப்பிள் நிறுவனம் எதிர்கொள்ளும் நெருக்கடி அதிகரிக்கும் என கூறப்படுகிறது.