சென்னை: ஆதிதிராவிடர் மற்றும் பழங்குடியினருக்கான வன்கொடுமைத் தடுப்பு சட்டம் 1989, அதன் விதிகள் 1995 மற்றும் திருத்த விதிகள் 2016, 2018 ஆகியவற்றின் கீழ் அமைக்கப்பட்டுள்ள மாநில அளவிலான கண்காணிப்பு குழு கூட்டம் மார்ச் 29, 2025 அன்று நடைபெறவுள்ளது. இந்த கூட்டம் காலை 10.30 மணிக்கு சென்னை தலைமைச் செயலகத்தில் உள்ள நாமக்கல் கவிஞர் மாளிகையில் நடைபெறும். முதலமைச்சர் தலைமையில், நிதித்துறை, உயர்கல்வி, தொழிலாளர் நலன், மனிதவள மேலாண்மை மற்றும் ஆதிதிராவிடர் நலத்துறை அமைச்சர்கள், கூடுதலாக, மாநிலங்களவை, மக்களவை மற்றும் சட்டமன்றப் பேரவை உறுப்பினர்களும் இதில் கலந்து கொள்கிறார்கள்.

இந்த கூட்டத்தில், வன்கொடுமைக்கு ஆளானவர்களுக்கு வழங்கப்பட்ட தீருதவிகள், மறுவாழ்வு உதவிகள், வழக்குகளின் விசாரணை மற்றும் அதைச் செயல்படுத்தும் அலுவலர்களின் பங்கு ஆகியவை பரிசீலனை செய்யப்படுவன. மேலும், ஆதிதிராவிடர் மற்றும் பழங்குடியினரின் உரிமைகள், வன்கொடுமை தடுப்பு சட்டத்தின் கீழ் அமல்படுத்தப்பட்ட நடவடிக்கைகள் பற்றிய விவரங்களையும் ஆய்வு செய்யப்படும்.