அமெரிக்கா மற்றும் ஈரான் இடையேயான போர் சூழலால் உலகளாவிய எரிசக்தி விநியோகம் பாதிக்கப்பட்டுள்ளது. இதனால் ஏற்பட்டுள்ள சிலிண்டர் தட்டுப்பாட்டினால் தோசை மற்றும் தந்தூரி போன்ற அதிக எரிபொருள் தேவைப்படும் உணவுகளைத் தயாரிப்பதில் சிக்கல் ஏற்பட்டுள்ளது. போதிய எரிவாயு கிடைக்காததால் பல உணவகங்கள் தற்போது மூடப்பட்டு வருகின்றன.

மத்திய அரசு வீட்டு உபயோக சிலிண்டர்களுக்கு முன்னுரிமை அளிப்பதால் வணிக ரீதியிலான சிலிண்டர் வரத்து குறைந்துள்ளது. இதனால் சென்னை போன்ற நகரங்களில் உள்ள சிறிய உணவகங்கள் கடும் பாதிப்பைச் சந்தித்துள்ளன. மாற்று வழியில்லாத உணவகங்கள் தற்காலிகமாக மூடப்படுவதால் வரும் நாட்களில் உணவுகளின் விலை கணிசமாக உயரக்கூடும் என அஞ்சப்படுகிறது.