மேற்கு ஆசியாவில் அதிகரித்து வரும் பதற்றங்களுக்கு மத்தியில், அமெரிக்காவுடன் பேச்சுவார்த்தை நடத்தும் வாய்ப்பை ஈரான் திட்டவட்டமாக நிராகரித்துள்ளது. தற்போதைய சூழ்நிலைக்கு வாஷிங்டனே காரணம் என்று கூறியுள்ள இந்தியாவிற்கான ஈரானிய பிரதிநிதி அப்துல் மஜீத் ஹக்கீம் இலாஹி, டொனால்ட் ட்ரம்பின் கோரிக்கையை ஏற்க மறுத்துள்ளார். ஈரான் எத்தகைய அழுத்தங்களுக்கும் பணியாது என்று அவர் தெளிவுபடுத்தியுள்ளார்.

தாய்நாட்டைப் பாதுகாக்க ஈரானியர்கள் இரத்தம் சிந்தத் தயார் ஆனால் நிலத்தை விட்டுக்கொடுக்க மாட்டார்கள் என்று இலாஹி எச்சரித்துள்ளார். ஈராக் போரின் அனுபவத்தைக் குறிப்பிட்ட அவர், நீண்டகாலப் போருக்குத் தங்களைத் தயார்படுத்திக் கொண்டுள்ளதாகக் கூறினார். இந்த மோதலால் சர்வதேச சந்தையில் கச்சா எண்ணெய் மற்றும் எரிவாயு விநியோகம் பாதிக்கப்படும் அபாயம் உள்ளதாகவும் அவர் சுட்டிக்காட்டினார்.