உத்தரப் பிரதேசத்தின் அமிரோஹாவில் சட்டவிரோதமாகத் தங்கியிருந்த பங்களாதேஷ் பெண் ஒருவரை போலீசார் கைது செய்துள்ளனர். சுமார் ஆறு ஆண்டுகளுக்கு முன்பு சவுதி அரேபியாவில் உள்ள மருத்துவமனையில் பணிபுரியும் போது, ரீனா பேகம் அமிரோஹாவைச் சேர்ந்த ராஷித் அலியைத் திருமணம் செய்து கொண்டார். இவர் சுற்றுலா விசாவில் நேபாளம் வழியாக இந்தியாவுக்குள் நுழைந்துள்ளார்.

வெளிநாட்டினர் சட்டம், 1946-இன் கீழ் அந்தப் பெண் மற்றும் அவரது கணவர் ராஷித் அலி மீது வழக்கு பதிவு செய்யப்பட்டுள்ளது. இதற்கிடையில், முதல்வர் யோகி ஆதித்யநாத்தின் உத்தரவின் பேரில், மாநிலத்தின் பல்வேறு பகுதிகளிலும், குறிப்பாக கான்பூர் மற்றும் கோரக்பூரில், சட்டவிரோதமாகக் குடியேறியுள்ள பங்களாதேஷ் மற்றும் ரோஹிங்கியாக்களைக் கண்டறியும் ‘ஆபரேஷன் டார்ச்’ என்ற தேடுதல் வேட்டையை போலீசார் தீவிரப்படுத்தியுள்ளனர்.