டி20 உலகக் கோப்பை இறுதிப் போட்டியில் நியூசிலாந்தை 96 ரன்கள் வித்தியாசத்தில் வீழ்த்தி இந்திய அணி சாம்பியன் பட்டம் வென்றது. அகமதாபாத்தில் நடைபெற்ற ஆட்டத்தில் முதலில் பேட்டிங் செய்த இந்தியா 255 ரன்கள் குவித்தது. கடின இலக்கை துரத்திய கிவிஸ் அணி 159 ரன்களுக்கு ஆட்டமிழந்தது. இளம் தொடக்க வீரர் அபிஷேக் சர்மாவின் அதிரடி ஆட்டம் இந்தியாவின் இந்த வரலாற்று வெற்றிக்கு முக்கிய காரணமாக அமைந்தது.

வெறும் 21 பந்துகளில் 52 ரன்கள் விளாசிய அபிஷேக் சர்மா, மைதானத்தின் நாலாபுறமும் சிக்ஸர் மழையை பொழிந்தார். 6 பவுண்டரிகள் மற்றும் 3 சிக்ஸர்களுடன் 247.62 ஸ்டிரைக் ரேட்டில் அவர் ஆடிய விதம் ரசிகர்களை உற்சாகத்தில் ஆழ்த்தியது. போட்டியின் முடிவில் உணர்ச்சிவசப்பட்ட அபிஷேக், தனது மோசமான காலங்களில் கேப்டனும் பயிற்சியாளரும் அளித்த ஆதரவே இந்த வெற்றிக்கு காரணம் என்று நெகிழ்ச்சியுடன் தெரிவித்தார்.