தமிழக அரசியலில் பெரும் திருப்பமாக அதிமுகவின் முன்னாள் ஒருங்கிணைப்பாளர் ஓ.பன்னீர்செல்வம் தற்போது திமுகவில் இணைந்து தேர்தல் களம் காண்கிறார். 2026 சட்டமன்றத் தேர்தலை முன்னிட்டு போடிநாயக்கனூர் தொகுதியில் போட்டியிட விருப்பமனு அளித்திருந்த அவர், இன்று அண்ணா அறிவாலயத்தில் முதல்வர் மு.க.ஸ்டாலின் தலைமையிலான வேட்பாளர் நேர்காணலில் கலந்து கொண்டார். கடந்த பிப்ரவரி மாதம் திமுகவில் இணைந்த பிறகு அவர் பங்கேற்கும் முதல் அதிகாரப்பூர்வ தேர்தல் நடைமுறை இதுவாகும்.

நேர்காணலுக்குப் பின் செய்தியாளர்களிடம் பேசிய ஓபிஎஸ், தமிழகத்தின் விடியலுக்காகவும் முதல்வர் ஸ்டாலினின் நல்லாட்சியைத் தொடரவும் தாம் திமுகவில் இணைந்ததாகக் குறிப்பிட்டார். ஏற்கனவே போடி தொகுதியில் மூன்று முறை வெற்றி பெற்றிருந்தாலும், இந்த முறை முதன்முறையாக உதயசூரியன் சின்னத்தில் போட்டியிட்டு மிகப்பெரிய வெற்றியைப் பெறுவேன் என அவர் உறுதிபடத் தெரிவித்துள்ளார். தென் மாவட்ட அரசியலில் இந்த மாற்றம் பெரும் தாக்கத்தை ஏற்படுத்தும் என எதிர்பார்க்கப்படுகிறது.