மத்திய உள்துறை அமைச்சர் அமித் ஷா டிசம்பர் 29 மற்றும் 30 ஆகிய தேதிகளில் மேற்கு வங்கத்திற்கு பயணம் மேற்கொள்கிறார். கொல்கத்தாவில் மாநில பாஜக முக்கிய குழுவினருடன் அவர் ஆலோசனை நடத்துகிறார். 2026 சட்டப்பேரவைத் தேர்தலுக்கான கட்சியின் தயார்நிலை, பூத் மட்டத்திலான திட்டமிடல் மற்றும் தேர்தல் வியூகங்கள் குறித்து இந்த கூட்டத்தில் விரிவாக விவாதிக்கப்பட உள்ளது.

இதற்கு முன்னதாக, டிசம்பர் 20 அன்று பிரதமர் நரேந்திர மோடி நதியா மாவட்டத்தில் பொதுக்கூட்டத்தில் உரையாற்றுகிறார். வாக்காளர் பட்டியல் திருத்தம் தொடர்பாக திரிணாமுல் காங்கிரஸுக்கும் பாஜகவுக்கும் இடையே மோதல் நிலவி வரும் சூழலில் இந்த வருகை முக்கியத்துவம் பெறுகிறது. போலி வாக்காளர்களுக்கு இடமின்றி நேர்மையான முறையில் தேர்தலை எதிர்கொள்ள பாஜக திட்டமிட்டுள்ளதாக சுவேந்து அதிகாரி தெரிவித்துள்ளார்.