மத்திய கிழக்கில் நிலவும் போர் பதற்றத்தால் சர்வதேச எரிவாயு விநியோகச் சங்கிலி பாதிக்கப்பட்டுள்ளதால், மும்பையில் வணிக ரீதியிலான சிலிண்டர் விநியோகம் முடங்கியுள்ளது. வீட்டு உபயோகம் மற்றும் மருத்துவமனைகளுக்கு முன்னுரிமை அளிக்கப்படுவதால், அடுத்த 48 மணி நேரத்தில் நகரின் 50 சதவீத ஹோட்டல்கள் தற்காலிகமாக மூடப்படும் நிலைக்குத் தள்ளப்பட்டுள்ளன.

ஏற்கனவே 20 சதவீத சிறிய உணவகங்கள் செயல்படவில்லை, சில பெரிய ஹோட்டல்கள் தங்கள் உணவுப் பட்டியலை மாற்றியுள்ளன. இந்த நெருக்கடியைத் தீர்க்க மத்திய பெட்ரோலியத் துறை அமைச்சகம் உயர்மட்டக் குழுவை அமைத்துள்ளதுடன், விநியோகத்தைச் சீராக்க நடவடிக்கை எடுக்கப்படும் என உறுதியளித்துள்ளது.