டி20 உலகக்கோப்பையை வென்ற பிறகு இந்திய ஆல்ரவுண்டர் சிவம் துபே அகமதாபாத்திலிருந்து மும்பைக்கு ரயிலில் பயணம் செய்த சுவாரசியமான தகவலைப் பகிர்ந்துள்ளார். ரசிகர்களின் கூட்டத்தைத் தவிர்க்க தொப்பி, முகக்கவசம் மற்றும் முழுக்கைச் சட்டை அணிந்து அவர் மாறுவேடம் பூண்டுள்ளார். அடையாளம் தெரிந்துவிடுமோ என்ற அச்சத்தில் பயணம் முழுவதும் ரயிலின் மேல் படுக்கையிலேயே தன்னை மறைத்துக்கொண்டார்.

தனது மனைவி அஞ்சுமைக் கூட்டத்திற்குள் முன்னதாகவே ரயிலில் ஏற்றிவிட்டு, ரயில் கிளம்ப சில நிமிடங்களுக்கு முன்பே துபே ஏறியுள்ளார். மும்பை போரிவலி நிலையத்தில் கூட்ட நெரிசலில் சிக்காமல் இருக்க காவல்துறையினரின் உதவியுடன் அவர் பாதுகாப்பாக வீடு திரும்பினார். இந்த உலகக்கோப்பைத் தொடரில் 235 ரன்கள் குவித்து இந்தியாவின் வெற்றிக்கு சிவம் துபே முக்கியப் பங்காற்றியது குறிப்பிடத்தக்கது.