89 வயதில் தனது முதல் மாரத்தான் போட்டியில் பங்கேற்றவரும், மாரத்தான் போட்டிகளில் பங்கேற்ற வயதான ஓட்டப்பந்தய வீரராகக் கருதப்படுபவருமான, புகழ்பெற்ற தடகள வீரர் பவுஜா சிங், 114 வயதில் சாலை விபத்தில் காலமானார். திங்கள்கிழமை பஞ்சாபின் ஜலந்தருக்கு அருகிலுள்ள பியாஸ் பிந்த் கிராமத்தில் சாலையைக் கடக்கும்போது கார் மோதி அவர் படுகாயமடைந்து மருத்துவமனையில் உயிரிழந்தார். கார் அடையாளம் காணப்பட்டாலும், ஓட்டுநரைத் தேடும் பணி நடைபெற்று வருவதாக போலீசார் தெரிவித்தனர்.

பவுஜா சிங் தனது அசைக்க முடியாத மன உறுதியால் எண்ணற்ற விளையாட்டு வீரர்களை ஊக்குவித்தார். சிறுவயதில் பலவீனமான கால்களால் ஐந்து வயது வரை சரியாக நடக்க முடியாத இந்த மனிதர், 2000 ஆம் ஆண்டில் தனது 89 வயதில் தனது முதல் மராத்தான் போட்டியை 6 மணிநேரம் 54 நிமிடங்களில் முடித்தார். அதன் பிறகு அவர் பல பந்தயங்களில் பங்கேற்றார் மற்றும் 101 வயதில் ஓய்வு பெறுவதற்கு முன்பு 2012 லண்டன் ஒலிம்பிக்கில் தீப்பந்தம் ஏந்தியவராக இருந்தார். 2015 இல், விளையாட்டு மற்றும் தொண்டு நிறுவனங்களுக்கு அவர் ஆற்றிய பங்களிப்பிற்காக ‘பிரிட்டிஷ் எம்பயர்’ பதக்கத்தைப் பெற்றார். பிரதமர் நரேந்திர மோடி அவரது மறைவுக்கு ஆழ்ந்த இரங்கல் தெரிவித்ததுடன், பவுஜா சிங் ஒரு அசாதாரண ஆளுமை மற்றும் விதிவிலக்கான தடகள வீரர் என்று பாராட்டினார்.