பாலிவுட் நடிகர் வருண் தவான் தனது குடும்பத்தினருடன், குறிப்பாக மகள் லாராவிற்காக திரையுலகில் இருந்து நீண்ட கால ஓய்வு எடுக்க முடிவெடுத்துள்ளார். அண்மையில் வெளியான ‘பார்டர் 2’ திரைப்படம் உலகளவில் 335 கோடி ரூபாய் வசூலித்து சாதனை படைத்த நிலையில், தனது தனிப்பட்ட வாழ்க்கைக்கு முன்னுரிமை அளிக்க அவர் இந்த அதிரடி முடிவை எடுத்துள்ளதாகத் தெரிகிறது.

இந்த இடைவேளைக்கு முன்பாக வருண் தவான் நடிப்பில் ‘ஹாய் ஜவானி தோ இஷ்க் ஹோனா ஹை’ திரைப்படம் திரைக்கு வரவுள்ளது. டேவிட் தவான் இயக்கத்தில் பூஜா ஹெக்டே மற்றும் மிருணால் தாக்கூர் இணைந்து நடித்துள்ள இத்திரைப்படம் ஜூன் 12 அன்று வெளியாகிறது. இப்படத்தின் பணிகளை முடித்த பிறகு, அவர் கேமரா வெளிச்சத்தில் இருந்து தற்காலிகமாக விலகி இருக்கப் போகிறார்.