மத்திய கிழக்கில் ஏற்பட்டுள்ள போர் சூழலால் உலகளாவிய எரிசக்தி விநியோகம் பாதிக்கப்பட்டு இலங்கையில் மீண்டும் எரிபொருள் நெருக்கடி ஏற்பட்டுள்ளது. ஹார்முஸ் நீரிணை மூடப்பட்டதால் இறக்குமதி தடைபட்டுள்ள நிலையில், அரசு மீண்டும் கியூஆர் கோட் அடிப்படையிலான எரிபொருள் ரேஷன் முறையை அமல்படுத்தியுள்ளது. இதன் மூலம் வாகனங்களுக்கு வாராந்திர எரிபொருள் அளவு நிர்ணயிக்கப்பட்டுள்ளதுடன், தட்டுப்பாட்டை குறைக்க புதன்கிழமைகளில் பள்ளி மற்றும் அலுவலகங்களுக்கு விடுமுறை அளிக்கப்பட்டுள்ளது.

கடந்த 2022 பொருளாதார நெருக்கடியின் போது நிதி பற்றாக்குறை காரணமாக இருந்த நிலையில், தற்போது நிதி இருந்தும் போர் சூழலால் கப்பல்கள் வர முடியாத நிலை ஏற்பட்டுள்ளது. இந்த இக்கட்டான சூழலை சமாளிக்க அதிபர் அனுர குமார திஸாநாயக்க தலைமையிலான அரசு ரஷ்யா மற்றும் இந்தியாவுடன் அவசர பேச்சுவார்த்தை நடத்தி வருகிறது. மேலும் எதிர்கால தட்டுப்பாட்டை தவிர்க்க திருகோணமலையில் புதிய எண்ணெய் சேமிப்பு கிடங்குகளை அமைக்கவும் திட்டமிடப்பட்டுள்ளது.