பீகார் சட்டப்பேரவைக்கு வெள்ளிக்கிழமை மின்னஞ்சல் வாயிலாக வெடிகுண்டு மிரட்டல் வந்ததையடுத்து அங்கு பாதுகாப்பு பலப்படுத்தப்பட்டுள்ளது. இது குறித்து சட்டப்பேரவைத் தலைவர் பிரேம் குமார், உயர் அதிகாரிகளுடன் அவசர ஆலோசனை நடத்தினார். மேலும், தலைமைச் செயலர் மற்றும் டிஜிபி-யிடம் நிலைமையை விளக்கி, வளாகம் முழுவதும் தீவிர சோதனை நடத்த அவர் உத்தரவிட்டுள்ளார்.

வருகின்ற மார்ச் 16-ஆம் தேதி சட்டப்பேரவை வளாகத்தில் மாநிலங்களவைத் தேர்தல் நடைபெற உள்ளது. இந்தச் சூழலில் விடுக்கப்பட்டுள்ள மிரட்டலால் பெரும் பரபரப்பு ஏற்பட்டுள்ள நிலையில், பாதுகாப்புப் படையினர் தொடர்ந்து தீவிர கண்காணிப்பில் ஈடுபட்டு வருகின்றனர்.