டி20 உலகக்கோப்பையில் இந்தியா – பாகிஸ்தான் மோதல் என்றாலே அது நரம்புகளை முறுக்கேற்றும் ஒரு போராகத்தான் இருக்கும். தற்போது கொழும்பின் மந்தமான ஆடுகளத்தில் பாகிஸ்தான் ஸ்பின்னர்களின் பந்துவீச்சை இந்திய பேட்டர்கள் எப்படி எதிர்கொள்ளப் போகிறார்கள் என்பதே மிகப்பெரிய கேள்வியாக எழுந்துள்ளது.

உஸ்மான் தாரிக்கின் மர்மமான பந்துவீச்சு, அப்ரார் மற்றும் நவாஸின் சுழற்பந்து வீச்சை சமாளிப்பது இந்திய அணிக்கு பெரும் சவாலாக இருக்கும். பாகிஸ்தான் அணியில் ஐந்து வலுவான ஸ்பின் ஆப்ஷன்கள் உள்ள நிலையில், அவர்கள் உள்ளூர் சூழலை நன்கு பயன்படுத்தி தயாராக உள்ளனர். மறுபுறம், இந்திய மிடில் ஆர்டர் பேட்டர்கள் ஸ்பின் பந்துவீச்சில் அவ்வப்போது தடுமாறுவது ரசிகர்களிடையே கவலையை ஏற்படுத்தியுள்ளது.

ஞாயிற்றுக்கிழமை நடைபெறும் இந்த மெகா போரில், இந்திய வீரர்கள் பொறுமையையும் ஆக்ரோஷத்தையும் சரியாகக் கையாண்டால் மட்டுமே வெற்றி சாத்தியம். இல்லையெனில், பாகிஸ்தானின் ஸ்பின் வலையில் சிக்கி கோடிக்கணக்கான ரசிகர்களுக்கு ஏமாற்றமே மிஞ்சும். இது வெறும் ஆட்டம் மட்டுமல்ல, ஸ்பின் சவாலை முறியடிக்கும் மனவலிமைக்கான போர்!