நெதர்லாந்தின் மிக இளைய மற்றும் முதல் ஓரினச்சேர்க்கையாளர் பிரதமராக 38 வயதான ராப் ஜெட்டன் பொறுப்பேற்று வரலாற்றுச் சாதனை படைத்துள்ளார். மூன்று கட்சிகளின் கூட்டணி ஆட்சியின் மூலம் 117 நாட்கள் நீடித்த அரசியல் இழுபறிக்கு அவர் முற்றுப்புள்ளி வைத்துள்ளார். அர்ஜென்டினா ஹாக்கி வீரர் நிக்கோலஸ் கீனனுடனான தனது உறவை வெளிப்படையாக அறிவித்த ஜெட்டன், அந்நாட்டு இளைஞர்களிடையே பெரும் வரவேற்பைப் பெற்றுள்ளார்.

இந்த வெற்றியைத் தொடர்ந்து இந்தியப் பிரதமர் நரேந்திர மோடி அவருக்கு வாழ்த்துகளைத் தெரிவித்துள்ளார். இரு நாடுகளுக்கும் இடையிலான உறவை மேம்படுத்த ஜெட்டனுடன் இணைந்து பணியாற்ற ஆர்வமாக உள்ளதாக மோடி குறிப்பிட்டுள்ளார். முன்னதாக சுற்றுச்சூழல் அமைச்சராகவும், துணைப் பிரதமராகவும் பணியாற்றிய அனுபவம் ஜெட்டனுக்கு உள்ளது குறிப்பிடத்தக்கது.