மேற்கு வங்க சட்டப்பேரவை தேர்தல் தேதி அறிவிக்கப்படுவதற்கு சில மணி நேரங்களுக்கு முன்பாக முதல்வர் மம்தா பானர்ஜி அதிரடி அறிவிப்பு ஒன்றை வெளியிட்டுள்ளார். அரசு ஊழியர்கள், ஆசிரியர்கள் மற்றும் ஓய்வூதியதாரர்களின் நீண்ட கால கோரிக்கையான அகவிலைப்படி (DA) நிலுவைத் தொகையை விடுவிக்க அவர் உத்தரவிட்டுள்ளார். இந்த சலுகைகள் வரும் 2026 மார்ச் மாதம் முதல் அமலுக்கு வரும் என அரசாணை வெளியிடப்பட்டுள்ளது.

தேர்தல் நடத்தை விதிகள் அமலுக்கு வருவதற்கு முன் எடுக்கப்பட்ட இந்த ‘மாஸ்டர் ஸ்ட்ரோக்’ அரசியல் வட்டாரத்தில் பெரும் பரபரப்பை ஏற்படுத்தியுள்ளது. லட்சக்கணக்கான பணியாளர்கள் பயன்பெறும் இந்த அறிவிப்பு, தேர்தல் களத்தில் ஆளுங்கட்சிக்கு சாதகமான சூழலை உருவாக்கும் என எதிர்பார்க்கப்படுகிறது. இந்த அதிரடி முடிவின் மூலம் அரசு ஊழியர்களின் நலனில் தனது அரசு உறுதியாக இருப்பதை முதல்வர் மீண்டும் நிலைநாட்டியுள்ளார்.