தமிழக சட்டமன்றத் தேர்தல் நெருங்கும் வேளையில் அரசியல் களம் சூடுபிடித்துள்ளது. கோயம்புத்தூர் விமான நிலையத்தில் செய்தியாளர்களைச் சந்தித்த தவெக ஒருங்கிணைப்பாளர் செங்கோட்டையன், விஜய் அவர்கள் முதல்வர் பதவியை நோக்கமாகக் கொண்டே அரசியலுக்கு வந்துள்ளதாகத் தெரிவித்தார். மற்ற கட்சிகள் வழங்கும் துணை முதல்வர் அல்லது எதிர்க்கட்சித் தலைவர் பதவிகளை ஏற்க வாய்ப்பில்லை என்றும் அவர் கூறினார்.

தற்போதைய ஆட்சியில் சட்டம் ஒழுங்கு சீர்கேடு மற்றும் பெண்களுக்குப் பாதுகாப்பற்ற சூழல் நிலவுவதாக அவர் விமர்சித்தார். மக்கள் மாற்றத்தை விரும்புவதாகவும், அந்த மாற்றத்தை விஜயால் மட்டுமே தர முடியும் என்றும் அவர் நம்பிக்கை தெரிவித்தார். 234 தொகுதிகளிலும் போட்டியிடத் தயாராக உள்ள தவெக, விஜய்யை முதல்வராக ஏற்பவர்களுடன் மட்டுமே கூட்டணி அமைக்கும் எனத் திட்டவட்டமாகக் கூறினார்.