டெல்டா பகுதியின் முக்கிய தொகுதியான திருவிடைமருதூரில் மூன்று முறை வென்ற அமைச்சர் கோவி செழியன் இந்த முறை கடும் சவாலை எதிர்கொள்கிறார். கடந்த தேர்தல்களில் மிகக்குறைந்த வாக்கு வித்தியாசத்தில் வெற்றி பெற்ற நிலையில், தொகுதி மக்களிடையே நிலவும் அதிருப்தி அவருக்கு பின்னடைவை ஏற்படுத்தலாம் என கூறப்படுகிறது. குறிப்பாக அமைச்சரான பிறகு மக்களுடனான தொடர்பு குறைந்திருப்பதே இதற்கு முக்கிய காரணமாக பார்க்கப்படுகிறது.

பட்டியலின மற்றும் வன்னியர் சமூகத்தினர் அதிகம் உள்ள இத்தொகுதியில், சரியான வேட்பாளரை நிறுத்தி வெற்றியை பறிக்க அதிமுக தீவிரம் காட்டி வருகிறது. கோவி செழியன் நான்காவது முறையாக வெல்ல வேண்டுமெனில், நிலவும் எதிர்ப்புகளை மீறி கடுமையான போராட்டத்தை முன்னெடுக்க வேண்டிய கட்டாயத்தில் உள்ளார். வரும் தேர்தல் அவருக்கு அக்னிப்பரீட்சையாகவே அமையும்.