தெற்கு ரயில்வே பராமரிப்பு பணிகள் காரணமாக பிப்ரவரி 23 முதல் ஏப்ரல் 13 வரை திருப்பதி மற்றும் காட்பாடி இடையேயான ரயில் சேவையில் அதிரடி மாற்றங்களை அறிவித்துள்ளது. இதன்படி குறிப்பிட்ட தேதிகளில் மெமு ரயில்கள் எண் 67205 மற்றும் 67210 முழுமையாக ரத்து செய்யப்படுகின்றன. மேலும் விழுப்புரம் மற்றும் திருப்பதி இடையே இயக்கப்படும் இன்டர்சிட்டி எக்ஸ்பிரஸ் ரயில்கள் காட்பாடி வரை மட்டுமே இயக்கப்பட்டு பகுதியளவு ரத்து செய்யப்படுவதாக தெரிவிக்கப்பட்டுள்ளது.

இந்த மாற்றங்களினால் பயணிகள் பாதிக்கப்படாமல் இருக்க ரயில் எண் 16853 திருப்பதிக்கு பதிலாக காட்பாடியில் இருந்து மாலை 4.45 மணிக்கு புறப்படும் என கூறப்பட்டுள்ளது. ரயில்வே நிர்வாகத்தின் இந்த பொறியியல் பணிகளால் ஏற்படும் கால அட்டவணை மாற்றங்களை பயணிகள் முன்கூட்டியே சரிபார்த்து தங்கள் பயணத்தை திட்டமிடுமாறு அறிவுறுத்தப்படுகிறார்கள். தற்காலிகமாக மேற்கொள்ளப்பட்டுள்ள இந்த மாற்றங்கள் ரயில்வே பயணிகளின் பாதுகாப்பான பயணத்தை உறுதி செய்யவே அமல்படுத்தப்பட்டுள்ளன.