திருச்சியில் உள்ள தேசிய தொழில்நுட்பக் கழகத்தில் (NIT) காலியாக உள்ள 122 பேராசிரியர் பணியிடங்களுக்கான வேலைவாய்ப்பு அறிவிப்பு வெளியாகியுள்ளது. கட்டடக்கலை, வேதியியல் மற்றும் சிவில் இன்ஜினீயரிங் உள்ளிட்ட பல்வேறு துறைகளில் பேராசிரியர், துணைப் பேராசிரியர் மற்றும் உதவிப் பேராசிரியர் போன்ற பணியிடங்கள் நிரப்பப்பட உள்ளன. இதற்கு விண்ணப்பிக்கும் விண்ணப்பதாரர்கள் யூஜிசி விதிமுறைகளின்படி பி.எச்.டி பட்டம் பெற்றிருப்பது அவசியமாகும்.

இப்பணிகளுக்குத் தேர்வு செய்யப்படுபவர்களுக்கு மாதம் ரூ. 56,100 முதல் ரூ. 1,77,500 வரை ஊதியம் வழங்கப்படும். அதிகபட்ச வயது வரம்பு 35 ஆக நிர்ணயிக்கப்பட்டுள்ள நிலையில், குறிப்பிட்ட பிரிவினருக்குத் தளர்வுகள் உண்டு. தகுதியுள்ள நபர்கள் ஏப்ரல் 6, 2026-க்குள் nittrec.samarth.edu.in என்ற இணையதளம் வழியாக ஆன்லைனில் விண்ணப்பிக்க வேண்டும்.