தமிழகத்தின் 234 தொகுதிகள் மற்றும் புதுச்சேரியின் 30 தொகுதிகளுக்கான சட்டமன்ற தேர்தல் தேதியை தேர்தல் ஆணையம் இன்று மாலை 4 மணிக்கு அறிவிக்கிறது. திமுக மற்றும் அதிமுக கூட்டணிகளுக்கு இடையே கடும் போட்டி நிலவும் சூழலில், நடிகர் விஜய்யின் தமிழக வெற்றிக் கழகம் முதல்முறையாக களம் காண்பது எதிர்பார்ப்பை அதிகரித்துள்ளது. கூட்டணிகள் இறுதியாகும் வேளையில் அரசியல் களம் இப்போதே சூடுபிடிக்கத் தொடங்கிவிட்டது.

தமிழகத்தின் 5.67 கோடி வாக்காளர்களில் பெண் வாக்காளர்களே பெரும்பான்மையாக உள்ளனர். புதுச்சேரியில் 10.24 லட்சம் வாக்காளர்கள் தங்கள் ஜனநாயக கடமையை ஆற்றவுள்ளனர். 18-19 வயதுடைய சுமார் 12.51 லட்சம் இளம் வாக்காளர்களின் பங்களிப்பு மற்றும் புதிய கட்சிகளின் வருகை இந்த 2026 தேர்தலின் வெற்றியை தீர்மானிக்கும் முக்கிய காரணிகளாக பார்க்கப்படுகிறது.