அமெரிக்க அதிபர் டொனால்ட் டிரம்ப்பின் வரி விதிப்பு முடிவை ரஷ்ய வெளியுறவுத் துறை அமைச்சர் செர்ஜி லாவ்ரோவ் கடுமையாக விமர்சித்துள்ளார். இந்தியா மற்றும் சீனா போன்ற பண்டைய நாகரிகங்களை அச்சுறுத்துவது அல்லது அழுத்தம் கொடுப்பது வெற்றி பெறாது என்று அவர் கூறினார். ரஷ்ய எண்ணெய்த் வர்த்தகத்தை நிறுத்துவதற்கான அமெரிக்காவின் “கோரிக்கைகள்” புதிய எரிசக்தி சந்தைகள் மற்றும் ஆதாரங்களைத் தேடவும், அதிக விலையை செலுத்தவும் நாடுகளை கட்டாயப்படுத்துகின்றன என்றும் லாவ்ரோவ் தெரிவித்தார்.

ரஷ்யாவிடம் இருந்து தொடர்ந்து கச்சா எண்ணெய் வாங்குவதால் இந்தியா மீது அமெரிக்கா சமீபத்தில் 25 சதவீதம் கூடுதல் வரியை விதித்தது. இந்த வரி விதிப்பு இந்தியாவை மாஸ்கோவிடம் இருந்து எண்ணெய் வாங்குவதைத் தடுக்கும் என்று டிரம்ப் நிர்வாகம் கூறியது. இது நாடுகளின் பொருளாதாரத்தை பலவீனப்படுத்துவது மட்டுமல்லாமல், புதிய சந்தைகளைத் தேடவும், அதிக விலையை செலுத்தவும் அவர்களை கட்டாயப்படுத்துகிறது என்று லாவ்ரோவ் வலியுறுத்தினார்.