மெக்சிகோவின் குவாடலஹாராவில், காளை ஒன்றின் நம்பமுடியாத வலிமையைக் காட்டும் வீடியோ ஒன்று சமூக ஊடகங்களில் வைரலாகி வருகிறது. சாலையில் சென்று கொண்டிருந்த காளை, திடீரென சாலையோரம் நிறுத்தப்பட்டிருந்த கருப்பு நிற காரை பலமாகத் தள்ளுகிறது. காளை காரை ஒரு பொம்மையைப் போல தள்ளியதில், கார் சுவரில் மோதி பலத்த சேதமடைந்தது. இந்த திடீர் சம்பவத்தால் சுற்றியிருந்தவர்கள் அதிர்ச்சியடைந்தனர்.

1 நிமிடம் 40 வினாடிகள் கொண்ட இந்த வீடியோ கிளிப்பில், காளையின் உடலில் ரத்தம் வழிவதையும் காண முடிகிறது. இக்காட்சியால் காளையின் காயங்களுக்கு சிலர் அனுதாபத்தை வெளிப்படுத்தினர். அதே சமயம், பெரும்பாலானோர் காளையின் நம்பமுடியாத வலிமையைக் கண்டு திகைத்துப்போயினர்.