இந்திய கிரிக்கெட் அணியின் தலைமை பயிற்சியாளராக உள்ள கௌதம் கம்பீருக்கு பிசிசிஐ (BCCI) ஆண்டுக்கு ரூ. 14 கோடி சம்பளம் வழங்குவதாக அண்மைய அறிக்கை தெரிவிக்கிறது. இது அவரை உலகில் அதிக ஊதியம் பெறும் பயிற்சியாளர்களில் ஒருவராக ஆக்கியுள்ளது. இந்த ஒப்பந்தத்தில் செயல்திறன் அடிப்படையிலான ஊக்கத்தொகைகள், பயணச் சலுகைகள் மற்றும் சொகுசு வசிப்பிட வசதிகளும் அடங்கும்.

வெளிநாட்டுப் பயணங்களின் போது கம்பீருக்கு தினசரி ரூ. 21,000 படிகளும் வழங்கப்படுவதாக தகவல்கள் தெரிவிக்கின்றன. 2024-25 நிதியாண்டின்படி, இந்திய அணியின் முன்னாள் வீரரான கம்பீரின் நிகர சொத்து மதிப்பு சுமார் ரூ. 265 கோடி என மதிப்பிடப்பட்டுள்ளது. அவரது ஒப்பந்தத்தில் உள்ள கூடுதல் அம்சங்கள் தற்போது பேசுபொருளாக உள்ளன.