பாஜக, அஇஅதிமுக அல்லது சசிகலா தரப்புடன் தமிழக வெற்றிக் கழகம் கூட்டணி பேச்சுவார்த்தை நடத்துவதாகப் பரவும் செய்திகள் முற்றிலும் உண்மையற்றவை என அக்கட்சியின் பொதுச்செயலாளர் சி.டி.ஆர். நிர்மல் குமார் திட்டவட்டமாகத் தெரிவித்துள்ளார். அரசியல் லாபத்திற்காக திட்டமிட்டுப் பரப்பப்படும் இத்தகைய பொய்ச் செய்திகளை மக்கள் நம்ப வேண்டாம் என அவர் கேட்டுக்கொண்டுள்ளார்.

திமுகவினரால் இத்தகைய ஆதாரமற்ற தகவல்கள் பரப்பப்படுவதாகக் குறிப்பிட்ட அவர், எந்தக் கட்சியுடனும் எந்த மட்டத்திலும் பேச்சுவார்த்தை நடைபெறவில்லை என்பதை உறுதிப்படுத்தினார். வதந்திகளைப் பகிரும் முன் ஊடகங்கள் செய்தியின் உண்மைத்தன்மையை ஆராய வேண்டும் என்றும் அவர் வலியுறுத்தியுள்ளார்.