இந்திய ராணுவ கர்னல் சோபியா குரேஷி குறித்து அவதூறாக கருத்து தெரிவித்த மத்திய பிரதேச பாஜக அமைச்சர் குன்வர் விஜய் ஷாவை உச்ச நீதிமன்றம் கடுமையாக கண்டித்துள்ளது. ஏற்கனவே பகிரங்க மன்னிப்பு கேட்க உத்தரவிட்டும், அமைச்சர் அதை கடைபிடிக்காததால், நீதிபதிகள் சூர்ய காந்த் மற்றும் ஜெயமால்யா பாக்ஸி அடங்கிய அமர்வு அமைச்சரின் நோக்கங்கள் குறித்து ஆழமான சந்தேகத்தை வெளிப்படுத்தியது. அமைச்சர் நீதிமன்றத்தின் பொறுமையை சோதிப்பதாக நீதிமன்றம் கூறியது.

அமைச்சரின் வழக்கறிஞர் கே பரமேஸ்வர், விஜய் ஷா ஏற்கனவே ஆன்லைனில் பகிரங்கமாக மன்னிப்பு கேட்டுவிட்டதாகவும், அந்த ஆவணம் விரைவில் நீதிமன்றத்தில் சமர்ப்பிக்கப்படும் என்றும் உச்ச நீதிமன்றத்தில் தெரிவித்தார். இதையடுத்து, இந்த வழக்கை விசாரிக்க அமைக்கப்பட்ட சிறப்பு புலனாய்வுக் குழுவை ஆகஸ்ட் 13ஆம் தேதிக்குள் முழு அறிக்கையையும் தாக்கல் செய்யுமாறு நீதிமன்றம் உத்தரவிட்டுள்ளது. அமைச்சர் விஜய் ஷா ராஜினாமா செய்யக் கோரிய காங்கிரஸ் தலைவர் ஜெயா தாக்கூரின் மனுவை உச்ச நீதிமன்றம் தள்ளுபடி செய்த போதிலும், அமைச்சரின் கடந்தகால நடவடிக்கைகளை ஆய்வு செய்ய எஸ்ஐடிக்கு உத்தரவிடப்பட்டுள்ளது. இந்த வழக்கின் அடுத்த விசாரணை ஆகஸ்ட் 18-ம் தேதி நடைபெற உள்ளது.